Fatjon Bardho · arkitekt · ofWhite Architects · 2026
Bruto apo neto: sa metra katrorë po blini vërtet?
Përgjigjja e shkurtër: neto është ajo që shkelni. Bruto shton muret dhe pjesën tuaj të shkallëve, korridorit dhe ashensorit. Diferenca mund të jetë 15–25%, pra te 100 m² bruto shkelni 75–85 m². Çmimi për m² ka kuptim vetëm kur dihet për cilën sipërfaqe flitet.
Tri shtresat e një “100 m²”
E njëjta shifër mund të fshehë tri gjëra të ndryshme. Ja çfarë ka brenda:
Sa kushton vërtet metri që shkelni
Vendosni shifrat e ofertës. Llogaritësi e kthen çmimin për m² bruto në çmim për m² neto.
Si duket në shpalljet e sotme
Tri shpallje të vitit 2026 që i japin të ndara sipërfaqen neto dhe atë të përbashkët. Pjesa me vija është ajo që paguani, por nuk e banoni:
Në këto shpallje bruto = neto + pjesa e përbashkët. Pyesni nëse “neto” përfshin muret: nëse po, sipërfaqja që shkelni është edhe më e vogël.
Krahasoni dy oferta mbi të njëjtën bazë
Mos krahasoni çmimet për m² të shpalljes. Pjesëtoni çmimin total me metrat neto të secilës:
Oferta B del 164 € më lirë për çdo m² që shkelni.
Pesë pyetje për zyrën e shitjes
- Çmimi është për m² neto apo bruto?Kërkojeni me shkrim. Është pyetja që ndryshon gjithë llogarinë.
- Sa m² është pjesa e përbashkët e apartamentit tim?Shkallët, korridori i katit, ashensori dhe hyrja ndahen mes apartamenteve në raport me sipërfaqen e secilit.
- “Neto” matet brenda mureve?Sipërfaqja që shkelni është ajo midis mureve. Nëse “neto” përfshin edhe trashësinë e tyre, hapësira reale është më e vogël.
- Si llogariten ballkoni dhe veranda?Me 100% apo 50% të çmimit? Një ballkon më pak se 1.5 m i thellë përdoret pak, sado m² të ketë.
- A ka tabelë sipërfaqesh për çdo ambient?Tabela duhet të jetë aneks i kontratës, me m² të çdo dhome, të ballkonit dhe të pjesës së përbashkët.
Pyetje të shpeshta
Çfarë është sipërfaqja bruto?
Është sipërfaqja neto e apartamentit plus pjesa që i takon nga hapësirat e përbashkëta të pallatit: shkallët, korridori, ashensori, hyrja. Në disa llogaritje përfshihet edhe trashësia e mureve.
Sa është diferenca normale midis bruto dhe neto?
Në shpalljet e sotme pjesa e përbashkët është zakonisht 8–15% e sipërfaqes bruto. Po të hiqen edhe muret, diferenca me atë që shkelni mund të arrijë 15–25%.
Çfarë shkruhet në certifikatën e pronësisë?
Pyesni noterin dhe kontrolloni kartelën e pasurisë në ASHK: aty shihet sipërfaqja e apartamentit dhe, veç, pjesa e përbashkët që i takon.
Merrni planimetrinë me përmasa dhe matni vetë dhomat. Dhjetë minuta me një metër në kantier vlejnë më shumë se çdo broshurë.
ofWhite Architects
Studio arkitekture dhe interior design në Tiranë që nga 2010.
Versioni interaktiv në faqe →Na kontaktoniWhatsApp